Бу ҳақда Табиат ресурслари вазирлиги Қашқадарё вилояти бошқармаси матбуот хизмати хабар қилди.
Нуроний отахону онахонларимиз баҳорнинг илк кунларида қалдирғочни кўрса, қўлларини дуога очиб, тинчлик ва осойишталикка шукрона айтишади.
Бугун ҳам вижир-вижир қилиб учаётган қалдирғочларнинг парвозлари каттаю барчага баҳорий кайфият улашди.
Қалдирғочларнинг юртимизга қайтиши баҳорнинг кириб келганидан бир дарак аслида.
Бутун борлиққа янгиланиш, яшариш олиб келаётган, тирикликни, ҳаётни улуғлаётган баҳор элу юртга қутлуғ келсин деймиз.
