Мутахассислар соғлом каламушларнинг умуртқалараро дискларини қандли диабетнинг иккинчи тури билан касалланган каламушларники билан солиштиришди. Соғлом ҳайвонларда коллаген фибриллари дисклар сиқилганда айланади ва чўзилиб, энергиянинг самарали тарқалишига имкон беради. Қандли диабетга чалинган каламушларда коллаген фибриллари гипергликемия туфайли юқори консентрацияга эга бўлиб, қаттиқроқ эканлиги аниқланди.
Бел оғриғи ногиронликнинг асосий сабаби бўлиб, кўпинча умуртқалараро диск дегенерацияси билан боғлиқ. Қандли диабетнинг иккинчи тури билан оғриган одамлар бел оғриғи ва диск билан боғлиқ муаммоларга дуч келишади. Бироқ, диск дегенерациясининг аниқ механизмлари ноаниқ бўлиб қолаверди.
Тадқиқот натижалари қандли диабет билан боғлиқ диск тўқималарининг шикастланишининг потенциал механизмлари ҳақида янги тушунча беради ва бу заифлаштирувчи ҳолатга қарши курашиш учун профилактика ва терапевтик ёндашувларни ишлаб чиқишга ёрдам беради, деб хабар беради lenta.ru.
