Тошкент шаҳар Ички ишлар бош бошқармаси Йўл ҳаракати хавфсизлиги бошқармаси Ахборот хизмати маълум қилишича, ҳудудий Йўл-патруль хизмати ходимлари иштирокчилар билан профилактик суҳбат ўтказиб, йўл ҳаракати қоидалари талабларини тушунтирган.
Маълум бўлишича, ёшлар скутерларнинг олд ғилдирагини кўтарган ҳолда ҳаракатланган, шунингдек, бир томонлама ҳаракатланиш белгиланган йўлда қарама-қарши йўналишда юрган.
ЙПХ ходими бундай ҳаракатлар ўзлари ва бошқа ҳаракат иштирокчилари ҳаёти учун жиддий хавф туғдиришини таъкидлаб, скутер ва самокатлар иштирокидаги йўл-транспорт ҳодисалари орасида ўлим ва оғир тан жароҳатига олиб келган ҳолатлар ҳам учраётганини эслатган.
Тушунтириш ишларидан сўнг, қоидабузарлар бошқарган скутерлар жарима майдончасига жойлаштирилди.
