Жумладан, университетнинг 543 нафар ижтимоий ҳимояга муҳтож талаба-ёшлари ишлашга эҳтиёжи борлиги аниқланиб, уларнинг салоҳиятидан келиб чиққан ҳолда 48 нафари олий ўқув юртининг ўзига, 41 нафари эса таълим маскани ҳудудида жойлашган савдо ва хизмат кўрсатиш объектларига жалб қилинди.
Бундай ишларнинг давоми сифатида университет қошида “Чевар қизлар” тикувчилик цехи фаолияти ташкил этилди.
Бу ерда ички эҳтиёжларга кўра ТТЖ учун тикув-трикотаж буюмлари (юқори сифатли сочиқ, чойшаб, матрас, ёстиқлар) ишлаб чиқарилиб, цехнинг 2 сменада ишлаши ортидан 20 нафар талаба-ёшлар иш билан таъминланди.
Олий ўқув юртида ҳозирнинг ўзида 100 нафардан ортиқ талабалар бандлиги таъминланиб, бу каби ишлар давом этмоқда.
