Қашқадарё ўрмончилари Бухоро тажрибаси бўйича чинни гужум етиштиришни йўлга қўйди

Яшил сайёра 19 авг 2021, 09:50 3 686

Қашқадарёда кўчатчиликни ривожлантириш, чинни гужум етиштиришнинг Бухоро тажрибасини ўрганиш мақсадида вилоятдаги барча ўрмон хўжалиги раҳбар ҳамда мутахассислари биргаликда Бухоро вилояти Ғиждувон ўрмон хўжалигида бўлди.

Бу ерда сада қайрағоч кўчатларини етиштириш учун пайвандлаш ҳамда зарурий агротехник ишларни амалга ошириш бўйича тажриба алмашилди.

Эндиликда Бухоро чинни гужумини Қашқадарёда ҳам етиштириш мақсадида Бухородаги мавжуд сада қайрағоч дарахт куртакларидан олинди ва вилоят бўйича 50 минг дона пайванд қилиш режалаштирилди, дея хабар беради Ўрмон хўжалиги давлат қўмитаси ахборот хизмати.