Қашқадарёда ер қаъридан сизиб чиқадиган сув ёрдамида иситиладиган иссиқхонада тарвуз кўчатлари парваришланмоқда

Мамлакатимизда 1 мар 2021, 13:16 3 843

Қашқадарё вилояти Косон тумани марказидан 60 километрлик узоқликда жойлашган Турон ҳудудида “Косон соф агро” МЧЖ томонидан иссиқхона ташкил қилинган. Бу иссиқхона одатий иссиқхоналардан фарқ қилади. У иссиқ сув билан иситилади.

Ҳозирда бу ерда 170 минг дона кўчат бор. Иссиқхонада етиштирилаётган тарвуз кўчатлари кейинчалик 20 гектар ер майдонига кўчириб ўтказилади.

Косон тумани ҳокими мазкур иссиқхона ташкил қилинган ҳудудга бориб, у ерда амалга оширилаётган кенг кўламли ишлар билан танишди.

Ҳозирда ҳудудда анчадан бери фойдаланишда бўлмаган ер майдонлари ўзлаштирилиб, бир қисмида боғ ташкил этилмоқда. Bссиқхонадаги эрта пишар тарвузлар бу йил экспортга ҳам йўналтирилади.