Қашқадарё вилоятида мансаб ваколатини суиистеъмол қилган бозор раҳбари қўлга олинди

3 апр 2026, 09:24 909

Деҳқонобод туманида фаолият юритувчи бозорлардан бирининг раҳбари ўз хизмат мавқеидан фойдаланиб, ҳужжатсиз дўконни тадбиркорлик билан шуғулланмоқчи бўлган фуқарога пулламоқчи бўлди.

Аммо тегишли ҳужжатлари кейинчалик уни расмийлаштириб беришини айтиб, “хизмати” эвазига 80 млн сўм талаб қилган.

Ўтказилган тезкор тадбир давомида мазкур мансабдор шахс тадбиркордан 6600 АҚШ доллари олаётган вақтида ашёвий далиллар билан ушланди.

Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.