ДХХ тарқатган маълумотга кўра, Фарғона туманида яшовчи фуқаро қирғизистонлик шахсдан айланма йўллар орқали мамлакатимизга яширинча олиб кирилган заргарлик буюмларини қабул қилиб олган.
Ушбу буюмларни моддий манфаат эвазига Андижон вилояти Жалақудуқ туманида яшовчи шахсга етказиб бермоқчи бўлган вақтда улар қўлга олинди.
Тилладан ясалган заргарлик буюмларининг умумий оғирлиги 5 кг 706 граммни ташкил қилиб, дастлабки баҳоларга кўра қиймати 5 млрд 746 млн сўмга тенг.
Ҳозирда ушбу шахсларга нисбатан терговга қадар текширув ҳаракатлари олиб борилмоқда.
