Шамуратов Атамурат Шамунович Қорақалпоғистон Республикаси Вазирлар Кенгаши Раисининг молия — иқтисодиёт ва камбағалликни қисқартириш масалалари бўйича биринчи ўринбосари — иқтисодиёт ва молия вазири лавозимига тайинланди.
А.Шамуратов тайинловга қадар Қорақалпоғистон Республикаси Жўқорғи Кенгеси Аппаратининг Инвестициялар, кичик бизнес ва тадбиркорликни қўллаб-қувватлаш сектори бошлиғи лавозимида фаолият юритган.
Айтбаев Камилжан Курбанбаевич Қорақалпоғистон Республикаси Вазирлар Кенгаши Раисининг қишлоқ ва сув хўжалиги масалалари бўйича ўринбосари — қишлоқ хўжалиги вазири лавозимига тайинланди.
К.Айтбаев тайинловга қадар Тахиатош тумани ҳокими лавозимида ишлаб келган.
Сдиков Исламбек Муратбаевич Тахиатош тумани ҳокими этиб тайинланди.
У бугунги кунга қадар Қорақалпоғистон Республикаси Жўқорғи Кенгесининг Саноат қурилиш, транспорт ва ахборот технологиялари масалалари қўмитаси раиси лавозимида ишлаб келган.
