Қорақалпоғистон Республикаси Жўқорғи Кенгесининг Раиси Аманбай Оринбаев шамол электр станцияларини қуриш ва генераторларини ишлаб чиқариш билан шуғулланувчи «Goldwind» компаниясининг бизнесни ривожлантириш бўйича ижро директори Лиу Хиожиа, компаниянинг бизнесни ривожлантириш бўйича бош менежери Юан Болар билан учрашди.
Учрашув чоғида «Goldwind» компанияси томонидан худудда шамол электр станциялари ва генераторларини қуриш, бу йўналишдаги имкониятлардан натижали фойдаланиш, генераторлар қурилиши учун олиб келинадиган маҳсулотлар, энергия ишлаб чиқаришни кенгайттириш, энг асосийси, янги иш жойларини яратиш масалалари сўз этилди.
Айтиб ўтиш жоиз, бугунги кунда худудда шамол электр станцияларини қуриш бўйича ишлар бошланган ва ҳозирги пайтда амалий тадбирлар давом этмоқда.
