Ҳодиса оқибатида 38 киши, жумладан, уч нафар экипаж аъзоси ҳалок бўлганди, 29 киши турли даражадаги тан жароҳатлари олганди.
Тахминларга кўра, самолётга жанговар қисмнинг зарба берувчи элементлари сабаб бўлган, аммо уларнинг кимга тегишлилигини аниқлаб бўлмади. Экспертиза шуни аниқладики, самолёт гидравлика тизими қувурларининг бир қисмига қаттиқ жисмларнинг тегиб кетиши оқибатида шикастланган. “Ўйилиш ҳолатидаги зарар темир асосли металлар қотишмасидан (пўлат асос) ясалган металл парчалари (бегона объектлар) оқибатида юзага келган бўлиши мумкин”, дейилади ҳужжатда.
Термал таъсир туфайли Техник хизмат кўрсатиш марказий компьютер кассетасидан маълумотларни чиқариб бўлмади. Маълумот олиш учун Американинг хотира карталарини ишлаб чиқарувчи Delkin Devices Inc. ишлаб чиқарувчисига мурожаат қилиш тавсия қилинди. Ҳозир Қозоғистон томони Америка компанияси заводи базасида тадқиқот ўтказиш бўйича АҚШ вакили билан музокаралар олиб бормоқда, дейилади ҳисоботда.
Боку – Грозний йўналишида парвоз қилган Embraer-190 самолёти 2024 йилнинг 25 декабрь куни эрталаб Қозоғистоннинг Актау шаҳрига қўниш пайтида ҳалокатга учради. Ҳаво кемаси Грознийга қўниши керак эди, бироқ туман ва кейинчалик дрон ҳужумлари туфайли аэропортда жорий этилган “Гилам” режаси туфайли Актауга йўл олганди, деб хабар берди Росавиация. Россия Президенти Владимир Путин октябрь ойида Украина учувчисиз учоқлари туфайли отилган рус ракеталари самолётдан бир неча метр масофада портлаганини айтди, деб хабар берди kommersant.ru.
