Қайд этилишича, Марказ томонидан 17 минг 675 та экспертиза хулосалари ҳамда мутахассис фикрлари берилди ва бу кўрсатгич ўтган йилнинг хос даврига нисбатан 672 тага ошган. Марказ экспертлари томонидан 1 млн. 723 минг 995 та объектлар бўйича тадқиқотлар ўтказилиб, 67 минг 414 та саволлар ҳал этилди.

Шуниндек, экспертиза ва умумлаштириш натижаси бўйича 1 минг 241 та профилактик таклифлар берилиб, Марказда 1 минг 482 нафар суд ва тергов органлари ходимларининг тажриба алмашуви ташкил этилди. Бундан ташқари, 120ма нафар суд экспертларининг ҳуқуқий билимлари ва 71 та Марказ ходимларининг малака оширилиши таъминланди. 10 нафар нодавлат суд экспертиза ташкилотларида ишлаш истагини билдирган тингловчилар қайта тайёрлов курсларига қабул қилинди.

Ўзбекистон Республикаси Вазирлар Маҳкамасининг 73-сон қарори билан “Суд экспертизаси тадқиқотларини ўтказиш тартиби тўғрисидаги намунавий низоми” тасдиқланди. Унинг асосида Адлия вазирининг тегишли буйруғи билан “Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертиза марказида суд экспертизаси тадқиқотларини ўтказиш тартиби тўғрисида”ги низом тасдиқланди. Шунингдек, Адлия вазирининг буйруғи билан Марказда ўтказилаётган тадқиқотлар учун янги ҳақ миқдорлари тасдиқланди.

 “Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертиза марказида суд экспертиза хулосаларини ва мутахассис фикрларини тақриздан ўтказиш тартиби тўғрисида”ги низом тайёрланди.Тадбиркорлик соҳасида бой берилган фойдани аниқлаш бўйича янги тадқиқот турини ўтказиш бўйича услубият тайёрланди ва амалиётга жорий этилди. Шунингдек, “Рақамли имзоларнинг ҳақиқийлигини аниқлаш” ва “Гўшт ва гўшт маҳсулотларининг ҳалоллигини аниқлаш” номли янги суд экспертиза ва тадқиқот турларини ўтказиш бўйича услубиятлар лойиҳалари ишлаб чиқилди.

Кенг жамоатчилик вакилларини суд экспертизаси тўғрисида дастлабки тушунча ва амалий кўникмаларга эга бўлишини таъминлаш мақсадида “Суд экспертизага оид масалалар” юзасидан электрон амалий қўлланма ишлаб чиқилди.

Шу билан бирга, кенг жамоатчилик вакиллари учун 14 маротаба “Очиқ эшиклар” куни тадбирлари ўтказилди.