Бош режага асосан боғга ташриф буюрувчи маҳаллий аҳоли ҳамда хорижий делегация вакиллари ва туристлар учун қулайликлар яратиш мақсадида “Юсуфхон ўғли Қосимхон” номли жомеъ масжиди биноси қуриб битказилди.
Наманган вилоят адлия бошқармаси томонидан жорий йилнинг 18 мартида “Юсуфхон ўғли Қосимхон” жомеъ масжиди давлат рўйхатидан ўтказилиб, республикамиздаги масжидлар сони 2086 тага етди.
Масжид Наманган шаҳридаги “Афсоналар водийси” маданият
ва истироҳат боғи ҳудудида, Юқори Ғирвон МФЙ, Ғалаба кўчаси, 243-уйда жойлашган.
Мазкур масжид замонавий шаҳарсозлик талаблари асосида қуриб битказилган бўлиб, унда ташриф буюрувчилар учун барча қулайликлар мавжуд. Жумладан, масжид бир вақтнинг ўзида 4 500 нафар намозхонга хизмат кўрсатишга мўлжалланган бўлиб, замонавий автотураргоҳга эга.
Шунингдек, масжидда имконияти чекланган шахслар учун махсус сурдотаржимон хизмати ҳам йўлга қўйилиши назарда тутилган.
