Мюнхеннинг “Бавария” жамоаси етакчи ҳужумчиси Роберт Левандовскининг “Барселона”га ўтиши ҳақидаги гап-сўзлар тобора кўпайиб бормоқда.
Куни кеча Испаниянинг “As” нашри бу борада яна бир янги хабар тарқатди. Нашрининг ёзишича, Р. Левандовски каталонияликлар билан келишувга эришган ва у йилига 9 млн евро маош олади. Ваҳолангки, футболчи “Бавария”да 24 млн евро маош олаётганди.
Шу ўринда таъкидлаш лозимки, “Барселона” президенти Жоан Лапорта, сал аввалроқ, клуб футболчиларининг максимал маоши 10 млн евродан ошмаслигини маълум қилганди. Масалага шу нуқтаи назардан ёндошсак, нашрнинг хабарига тўғри бўлиб чиқади. Аммо Левандовскининг бу маошга рози бўлганига ишониш қийинроқ.
