Айни пайтда Қатарда ўтаётган жаҳон чемпионатида иштирок этаётган Португалия термаси ҳужумчиси Криштиану Роналду келгуси йил январь ойида Саудия Арабистони клубига ўтиши мумкин. CБS Sports хабарига қараганда, бу борада клуб ва футболчининг вакиллари ўртасида музокаралар олиб борилмоқда.
Клуб Криштиану билан 3 йиллик шартнома имзолаб, ҳар бир мавсум учун 75 миллион доллардан маош бермоқчи.
Келишувга эришилса, ҳужумчи “Ал Наср”га эркин агент сифатида ўтади. Чунки шу йилнинг 22 ноябрь куни ўзаро келишувга кўра, Роналду “Манчестер Юнайтед” билан шартномани бекор қилди.
Эслатиб ўтамиз, “Ал Наср”да ўзбекистонлик яримҳимоячи Жалолиддин Машарипов ўйнайди.
