Машҳур инсайдернинг маълум қилишича, Роналду жаҳон чемпионати якунланмагунча бирор бир клуб билан шартнома имзоламайди.
"Ал-Насср" томонидан берилган таклиф ҳали ҳам ўз кучида. Саудия Арабистони клуби йилига 200 миллион евро маош билан 2025 йилгача шартнома тақдим қилган. Роналду эса ҳали ҳам Европа клубларидан таклиф кутмоқда.
Эслатиб ўтамиз, футболчи Швейцарияга қарши ўйинда захирада қолдирилган эди. Бугун, 9 декабрь куни Қатардаги мундиалнинг чорак финал баҳслари бошланади.
Унда бугун соат 20:00 да Хорватия ва Бразилия кейинги босқич масаласини ҳал қилса, 23:59 да Виржил ван Дейк етакчилигидаги Нидерландия термаси Месси бошчилигидаги Аргентина қаршилигини енгиб ўтишга ҳаракат қилади.
Роналду эса 10 декабрь, шанба куни 20:00 да старт оладиган Марокаш – Португалия баҳсида майдонга тушиши мумкин, албатта. Чорак финал баҳсларини 23:59 да бўлиб ўтиши режалаштирилган Англия – Франция қарама-қаршилиги якунлаб беради.
