Санкт-Петербург интелектуал логистика маркази раҳбари Виктор Захаров Россия Федерациясида коронавирус пандемиясининг учинчи тўлқини бошланиши мумкинлигини айтди. Аввалроқ “Covid-19”га ихтисослашган Москванинг Комунаркадаги касалхонаси бош врачи Денис Проценко ҳам пандемиянинг учинчи босқичи бошланиши кутилаётганини, аммо у жуда секин тарқалишини билдирган эди.
Д.Проценконинг таъкидлашича, бутун жаҳон учинчи тўлқинни кутмоқда. Чунки, аввалги эпидемиялар ҳам куз ва баҳор фаслига қараб уч босқичда кечган.
Сўнгги хабарларга қараганда, Россияда ҳар элликта одамнинг биттаси коронавирусга чалинган. Дунё бўйича эса бу кўрсаткич ҳар юзта одамдан биттани ташкил этади.
