Россия Қурилиш вазирлиги ҳукуматга қурилиш соҳасида ишлаш учун меҳнат мигрантларининг мамлакатга кириш тартибини енгиллатиш таклифи билан чиқди. Ушбу таклиф Ички ишлар ва Меҳнат вазирликлари ҳамда Роспотребнадзор билан келишилган.
«Бунда Россия ҳудудига киритишга рухсатни фақат санитар-эпидемиологик назоратни таъминлашни кафолатлайдиган ташкилотларга рухсат бериш таклиф этилган», — деб таъкидлайди қурилиш вазири.
Россия ҳудудига кириш учун меҳнат мигрантлари Россияга киришдан коронавирусга қарши кўпи билан уч кун аввал олинган салбий тест натижаларини тақдим этишлари керак бўлади.
Ташкилотлар ишга жалб этилган мигрантларни жойлаштириши, миграция рўйхатидан ўтказиши ва улар билан меҳнат шартномалари тузишлари керак бўлади, деб хабар беради ТАСС. Шунингдек мигрантларга меҳнат фаолиятини юритиш учун патент олишлари учун кўрсатма беради.
Қурилиш вазирлигининг берган маълумотларга кўра, 50та ҳудуддаги қурилишларда ишчиларнинг етишмаслиги сезиляпти. 190 мингдан зиёд ишчи кучига эҳтиёж мавжуд, деб хабар беради Вести.ru
Ишсизлик ва ишдан бўшатишларга қарамай, россияликлар меҳнат мигрантлари бажарган ишда ишлашга розилик бермаяпти. Улар обрўли ишларни афзал кўряпти, деб таъкидлайди қурилиш вазири.
