“15 сентябрда биз болалар вакцинасини рўйхатдан ўтказишни бошлаймиз, шунда уни мактаб ўқувчиларига инъекция қилиш мумкин бўлади”, деди у газетага берган интервьюсида.
Мутахассиснинг таъкидлашича, ҳозирда кенгайтирилган иккинчи босқич клиник тадқиқотлар учун ҳисобот тайёрланмоқда. Бироқ, у марказ “уч минг кишилик намуна”да тестнинг учинчи босқичини ўтказиши кераклигини истисно қилмади.
“Унда биз сентябрда улгура олмай қолишимиз мумкин. Бу мени жуда хавотирга солади, чунки болаларнинг мактабга бориши ҳинд штамми кенг тарқалаётган ҳозирги пайтга тўғри келмоқда”, — дея тушунтиради Гинцбург.
Мутахассис шунингдек, “Спутник V” коронавирус инфекциясига қарши вакцина сифатида рўйхатга олинганидан буён бир йил ичида унинг самарадорлиги ва хавфсизлиги тўлиқ исботлаганини таъкидлади.
Эслатиб ўтамиз, 2020 йил 11 августда Россия Президенти COVID-19 га қарши дунёдаги биринчи вакцина рўйхатдан ўтказилганини эълон қилди. Ҳозирги вақтда “Спутник V” 70 мамлакатда лицензияга эга ва бир қатор давлатлар билан қўшма ишлаб чиқариш йўлга қўйилган.
