“Москва вақти билан соат 21:12да, кузатувчи тугун орқали блокчейнга ҳужум қилинди. Айни пайтда такомиллаштирилган хавфсизлик режими йўлга қўйилган. Овоз беришда ҳеч қандай узилишлар бўлмади, барча овозлар кафолатланган етказиб бериш хизмати, яъни блокчейнда қайд этилади. Ахборот хавфсизлиги бўйича мутахассислар зарур чораларни амалга оширгандан сўнг, кузатувчи тугунига кириш тикланади”, деди у.
Онлайн овоз бериш пайшанба куни Москва вақти билан соат 10:00 да бошланди, унда Москва ва Нижний Новгород вилояти аҳолиси иштирок этмоқда. 27 июн куни Москва вақти билан 20:14-га келиб, иштирокчилар 75 фоизни ташкил этди. 879 654 бюллетен қабул қилинди. Электрон овоз бериш 30 июн куни якунланади.
Ҳаммаси бўлиб, онлайн овоз беришда қатнашиш учун Москваликлардан 1 миллионга яқин ва Нижний Новгороддан қарийб 140 мингта ариза келиб тушди.
25 июнь куни электрон овоз бериш жойи зўриқиш туфайли ишламай қолди. 26 июн, жума куни МСК (марказий сайлов комисияси) ушбу сайтга хаккер ҳужумини эълон қилди.
Аввалроқ, сайлов комиссиялари аъзолари Конституцияга киритилган ўзгартишлар бўйича овоз беришни ташкиллаштиришда иштирок этмаслик тўғрисида мурожаат қилган эди.
