Дам олиш кунлари ҳаво ҳарорати бироз пасаяди. Кечалари 18–21 даража, кундуз кунлари 32–35 даража, жанубда 37–40 даража бўлади.

Кўпчилик ҳудудларда ёғингарчилик кутилмайди. 22 август куни Фарғона водийсининг айрим жойларида қисқа муддатли ёмғир ёғиши мумкин. Қорақалпоғистонда эса бугун куннинг иккинчи ярмида айрим жойларда қисқа муддатли ёмғир эҳтимоли бор.

Шамол 7–12 м/с тезликда эсади, айрим жойларда 13–18 м/с гача кучаяди. 22 август куни республика жанубида шамол тезлиги 22–25 м/с гача етиши мумкин. Айрим ҳудудларда шамол кучайиши чанг-тўзон билан кузатилади.

Тошкентда бугун кундузи 36–38 даража, дам олиш кунлари 32–35 даража бўлади. Ёғингарчилик кутилмайди. Шамол 3–8 м/с, айрим жойларда 10–12 м/с гача кучайиши ва чанг-тўзон кузатилиши мумкин.