Жорий 2020 йилнинг ўтган даври давомида Самарқандга 512 дона замонавий қишлоқ хўжалиги техникалари келтирилди. “Ўзагроинспекция”нинг Самарқанд вилоят бошқармаси томонидан 2020 йилнинг 1-декабрь ҳолатига кўра, қишлоқ хўжалиги ва бошқа техникалари учун 3 миллиард 711 миллион сўмдан ортиқ давлат хизматлари кўрсатилди.
Шунингдек, 10-12 декабрь кунлари бўлиб ўтган “Қишлоқ хўжалиги техникалари ва технологиялари” ярмаркаси ва саноат кооперация кўргазмасида қатор агрокластер корхоналари ҳамда фермер хўжалиги раҳбарлари томонидан янги, замонавий қишлоқ хўжалиги техникаларини харид қилиш юзасидан ҳамкорлик шартномалари имзоланди.
– Жумладан, Каттақўрғон туманида кейинги уч йил давомида, қишлоқ хўжалигини ривожлантириш, қишлоқ хўжалиги экинларидан юқори ҳосил олиш мақсадида Германия, Белоруссия, Хитой ва Туркия давлатларидан жами 113 миллиард 225 миллион сўмлик ҳар хил турдаги замонавий қишлоқ хўжалиги техникалари келтирилди, – дейди “Ўзагроинспекция”нинг Каттақўрғон тумани бўлим бошлиғи Нурали Намозов. – Тумандаги фермер хўжаликлари томонидан 2018 - 2020 йиллар давомида 29 миллиард 065 миллион сўмлик, 147 дона янги қишлоқ хўжалиги техникалари харид қилинди.
Каттаминг “Агросервис МТП” МЧЖ томонидан 13 миллиард 737 миллион сўмлик 46 дона, “Каттақўрғон кластер” МЧЖ томонидан 49 миллиард 426 миллион сўмлик 150 дона, “Амина голд инвест” МЧЖ томонидан жами 20 миллиард 996 миллион сўмлик 183 дона янги қишлоқ хўжалиги техникалари харид қилинди. Янги, замонавий қишлоқ хўжалиги техникаларининг электрон рўйхати шакллантирилиб, давлат рақам белгилари билан таъминланмоқда. Буларнинг барчасидан кўзланган мақсад, аҳолини сифатли ва арзон қишлоқ хўжалиги ва озиқ-овқат маҳсулотлари билан таъминлаш, мамлакатимизнинг экспорт салоҳиятини оширишга қаратилганлиги билан муҳим аҳамият касб этади.
“Ўзагроинспекция”нинг
Самарқанд вилоят бошқармаси ахборот хизмати
