Санепидқўмита Ахборот хизматининг маълум қилишича, фуқаролардан ушбу маҳсулот Ўзбекистонга ҳам олиб келинганми, Санепидқўмита томонидан санитария-эпидемиологик хулоса берилганми, деган саволлар келиб тушмоқда.
Таъкидланишича, қўмита томонидан «One Chip Challenge» маҳсулоти учун санитария-эпидемиологик хулоса берилмаган, шу билан бирга ушбу маҳсулотга хулоса олиш бўйича тадбиркорлар томонида мурожаат ҳам бўлмаган.
"Фуқароларимиздан хавфсизлиги текширилмаган озиқ-овқат маҳсулотларни харид қилмасликни ва истеъмол қилмасликни сўраймиз", дейилади хабарда.
