Томонлар Ангрен кўмир конида саноат чиқиндиларини қайта ишлаш ва экологик тоза қурилиш материаллари ишлаб чиқаришни ташкил этишга Жанубий Корея компаниясининг инновацион ечимларини жалб қилиш масалаларини муҳокама қилди.
Жанубий Корея компаниясининг вакили «Ўзкимёсаноат» АК билан цемент хом ашёси ва бошқа қурилиш материаллари ҳамда йўл қурилишида ишлатилиши мумкин бўлган маҳсулотларни олиш учун саноат чиқиндиларини қайта ишлаш бўйича ҳамкорлик масаласини ўрганишга тайёрлигини билдирди, деб хабар беради «Дунё» АА.
Маълумот учун, Ли Жу Ён «KC Green Materials» компанияси турли хил чиқиндилар, шу жумладан кўмир кукунини қайта ишлаш бўйича тадқиқотлар ва ишланмалар билан шуғулланишини таъкидлади. Компания саноат чиқиндиларидан экологик тоза қурилиш материалларини ишлаб чиқариш бўйича инновацион ечимлар соҳасидаги бир нечта технологик патентга эга.
