Кеча Жанубий Америка футбол ассоциацияси(CONMEBOL) ушбу жаҳон чемпионати учун белгиланган саралаш мусобақаларини октябрь ойида ўтказиш бўйича ФИФАга мурожаат билан чиқди, дейилади Халқаро олимпия қўмитаси сайтидаги ахборотда.
ФИФА тақвим режасига асосан Бразилия, Аргентина, Уругвай каби дунёнинг кучли жамоалари қатнашадиган ушбу саралаш ўйинлари аслида сентябрь ойида ўтказилиши лозим эди. Аммо коронавирус касаллигининг кенг ёйилиши оқибатида саралаш ўйинларининг муддатига жиддий таъсир кўрсатмоқда.
Саралаш мусобақаларининг низомига кўра, баҳсларда минтақанинг 10 та давлат миллий терма жамоалари 2022 йилги жаҳон чемпионати финал баҳсида иштирок этиш мақсадида ажратилган 4 та ўрин учун курашади. 5 ўриндан жой олган терма эса ўтиш турнирида омадини синаб кўради.
Жанубий Америка футбол ассоциациясининг мурожаати ФИФАнинг яқин муддатда ўтадиган йиғилишида кўриб чиқилиши кутилмоқда.
Тўлқин РЎЗИЕВ.
