Маълум қилинишича, ҳайдовчи Шаҳрисабз шаҳри марказий кўчаларида ҳаракатланиш давомида пиёдалар ва бошқа ҳайдовчилар ҳаётига реал хавф туғдириб, намойишкорона тарзда йўл ҳаракати қоидаларини бузган.

Мазкур ҳолат юзасидан Шаҳрисабз шаҳар ИИБ ЖХХ ЙҲХБ ходимлари томонидан Ўзбекистон Республикаси Маъмурий жавобгарлик тўғрисидаги кодексининг 128¹⁰-моддаси билан маъмурий баённома расмийлаштирилиб, тўпланган ҳужжатлар Жиноят ишлари бўйича Шаҳрисабз шаҳар судига юборилган.

Суд қарори билан ҳайдовчи 1 йил муддатга транспорт воситасини бошқариш ҳуқуқидан маҳрум қилинган ва унга 11 миллион сўм миқдорида жарима жазоси тайинланган.

Ички ишлар органлари мазкур ҳайдовчи томонидан содир этилган қўпол қоидабузарликлардан жабрланган фуқароларни 102 рақами ёки яқин атрофдаги ички ишлар органларига мурожаат қилишга чақирди.