Унда Ўзбекистон делегацияси таркибида Олий Мажлис Сенати Раисининг биринчи ўринбосари Содиқ Сафоев ҳам иштирок этди.
С.Сафоев Президентимиз бошчилигида мамлакатимиз ҳаётининг сиёсий, иқтисодий ва ижтимоий соҳаларида амалга оширилаётган кенг кўламли ислоҳотлар ва демократик ўзгаришлар ҳақида батафсил маълумот берди.
Ўзбекистонда амалга оширилаётган ислоҳотлар ортга қайтмаслиги ва келажакда уларни янада жадаллаштириш режалари қатъий эканлиги алоҳида таъкидланди.
Қайд этилганидек, Ўзбекистон ҳукуматининг устувор вазифаси инвестиция муҳитини доимий равишда яхшилашдан иборат, чунки мамлакатимиз миллий иқтисодиётга хорижий инвестицияларни жалб этишдан манфаатдор.
Ўз навбатида, тадбирда сўзга чиққан конгрессменлар, сенаторлар ва АҚШ маъмурияти анъанавий тарзда ўтказилаётган «Ўзбекистон куни» тадбирининг ана шундай юксак ташкилий ва мазмуний савияда ўтказилишини олқишлади.
Шунингдек, ушбу тадбир Ўзбекистон -АҚШ парламентлараро ҳамкорлигини ривожлантиришда муҳим аҳамият касб этишини таъкидлади.
Мазкур ташаббус америкалик сиёсатчилар ва ишбилармон доира вакиллари учун Ўзбекистоннинг замонавий тараққиёти, мамлакатда амалга оширилаётган кенг кўламли ислоҳотлар ва ўзгаришлар билан яқиндан танишиш учун ажойиб имконият ҳисобланади.
Шу билан бирга, иштирокчилар сўнгги йилларда Ўзбекистон ва АҚШ компаниялари ўртасидаги ишбилармонлик алоқалари сезиларли даражада фаоллашгани, республика иқтисодиётига Америка инвестициялари оқимининг жадал ўсганини, шунингдек, қўшма ва тўлиқ Америка сармояси асосида ташкил этилган корхоналар сони кўпайганини таъкидлаб ўтди.
Шунингдек, Ўзбекистоннинг ногиронларни қўллаб-қувватлаш, қулай шароитлар яратиш, уларни жамиятдаги жараёнларга тўлиқ жалб этиш ва мамлакат иқтисодий ривожланишидаги иштироки борасидаги саъй-ҳаракатларини юксак баҳоланди, деб хабар беради Олий Мажлис Сенати матбуот хизмати.
