Уч ойдан ортиқ карантиндан сўнг Шанхайда “Диснейленд” очилди. У ерда оломон шу қадар кўпки, ҳатто жума кунги чипталар бугуннинг ўзида бир неча дақиқалардаёқ сотиб бўлинган. Катта ёки кичиклигидан қатъий назар ҳордиқ чиқарувчилар паркга тана ҳароратини ўлчаб, кейин киритилмоқда. Ниқоб тақиш ва навбатга турганда ижтимоий мафосани сақлаш ҳақидаги эслатмалар бот-бот баланд овозда янграб турибди. Ишчилар эса дам олиш масканини кунига бир неча маротоба дизинфекция қилмоқда. Ҳозирча паркнинг барча қисмлари ҳали очилмади. Мультфильм қаҳрамони Микки Маус билан кўришиш ҳам ҳозирча ман қилинган.
Шанхай ҳордиқ чиқаришни бошлаб юборган бир пайтда Европа Иттифоқи мамлакатлари ҳукуматлари карантин чоралари юмшатилганига қарамай, пандемиянинг иккинчи тўлқини бошланишидан огоҳлантирмоқда. Мутахассислар коронавирус яна жонланиши мумкинлигини билдирмоқда.
– Иттифоқ аъзолари кузатув чораларини кучайтирган ҳолда
Инфекциянинг иккинчи тўлқинига тайёргарлик кўриши керак, – дейди Европа комиссияси вакили Стефан де Кеерсмэкер. – Касалликларни олдини олиш ва назорат қилиш бўйича Европа маркази билан яқиндан ҳамкорлик қилиш пандемия такрорланиш хавфидан огоҳлантириш имкониятларини очади. Улар фуқароларга биринчи тўлқин муваффақиятли жиловганган тақдирда ҳам иккинчи тўлқин келиш хавфи йўқ эмаслигини тушинтиришга кўмак беради.
