Бош прокуратура ҳузуридаги Департаментнинг Шайхонтоҳур туман бўлими томонидан тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилди. Тадбирда ЯТТ И.М. “A.” МЧЖ шаклидаги суғурта компанияси билан агентлик битимини тузиб, қатъий ҳисобда турувчи жами 1 712 дона суғурта полисларини реализация қилишдан тушган 145,3 млн сўмни МЧЖ ҳисоб рақамига ўтказмасдан ўзининг шахсий эҳтиёжларига ишлатиб юборганлиги аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
