Йўлбарс Дмитриевка қишлоғи яқинида ушланган. У аҳоли гавжум ҳудуддаги итларга ҳужум қилиб, бештасини ўлдирган. Ҳодиса кечалари итларни қамаб қўйиш кўрсатмасига амал қилмаган эгаларининг айби билан содир бўлган.
Йиртқич Йўлбарсларни реабилитация қилиш марказига олиб кетилган. У 150-170 килограм вазнга эга эркак йўлбарс эканини аниқланди. Унинг иккала олд оёғида ҳам муаммо борлиги аниқланган.
Мутахассисларнинг таъкидлашича, бундай жароҳатлар билан йўлбарс энди табиатга қайтолмайди. У туёқли ҳайвонларни овлаш имкониятини йўқотди, шунинг учун у қишлоққа серқатнов бўлиб қолган.
Кузатишлар шуни кўрсатдики, йўлбарснинг аҳволи тобора ёмонлашиб бормоқда. Икки ҳафта олдин у оқсоқланиб бўлса-да, фаол ҳаракатлана олди. Айни пайтда ҳаракатланишда қийналмоқда.
Унинг панжалари билан боғлиқ муаммонинг сабаблари ҳали аниқланмаган. Эҳтимол, ҳаракатланишнинг чеклангани касалликнинг оқибати бўлиши мумкин, деб хабар беради mir24.tv.
