Бу ҳақда Корея марказий телеграф агентли (КМТА) хабар берди.
Хабарга кўра, Шимолий Корея етакчиси Ким Чен Ин ракеталар учирилишини видеоалоқа орқали кузатган.
“Учирилган қанотли ракеталар Корея Ғарбий денгизи (Сариқ денгиз) устидан маълум бир траектория бўйлаб 10 116 дан 10 138 сониягача учиб, алоҳида нишонларга зарба берди”, дейилади хабарда.
Ким Чен Ин “стратегик қуроллар бўйича миллий интеграциялашган қўмондонлик тизимининг ишончлилиги ва кеманинг интеграциялашган жанговар тизимининг устунлиги тасдиқланганидан катта мамнуният билдирди”. Шимолий Корея етакчиси шунингдек, кеманинг қурол тизими таркибини амалий эҳтиёжлар ва мамлакатнинг реалликларига асосланиб қайта кўриб чиқишни буюрди. Хусусан, у душман флотларига қарши қобилиятларини ошириш учун 5 минг ва 8 минг тонналик сиғимга эга ҳарбий кемаларга уларнинг палубага ўрнатилган қуроллар ўрнига овоздан тез ҳаракатланадиган ракеталар ўрнатилиши кераклигини таъкидлади, деб хабар берди report.az.
Ким Чен Ин шунингдек, “давлатнинг ядровий қуролли кучлари кўп томонлама фойдаланиш босқичига ўтганини” ва Шимолий Корея яқинда стратегик ва тактик зарба берувчи қуролларни ишлаб чиқиш ва жойлаштиришда сезиларли амалий ютуқларга эришганини таъкидлади. Унинг таъкидлашича, буларнинг барчаси мамлакатнинг ўзини ўзи ҳимоя қилишнинг муҳим қисмидир.
