Bu haqda Koreya markaziy telegraf agentli (KMTA) xabar berdi.
Xabarga ko‘ra, Shimoliy Koreya yetakchisi Kim Chen In raketalar uchirilishini videoaloqa orqali kuzatgan.
“Uchirilgan qanotli raketalar Koreya G‘arbiy dengizi (Sariq dengiz) ustidan ma’lum bir trayektoriya bo‘ylab 10 116 dan 10 138 soniyagacha uchib, alohida nishonlarga zarba berdi”, deyiladi xabarda.
Kim Chen In “strategik qurollar bo‘yicha milliy integratsiyalashgan qo‘mondonlik tizimining ishonchliligi va kemaning integratsiyalashgan jangovar tizimining ustunligi tasdiqlanganidan katta mamnuniyat bildirdi”. Shimoliy Koreya yetakchisi shuningdek, kemaning qurol tizimi tarkibini amaliy ehtiyojlar va mamlakatning realliklariga asoslanib qayta ko‘rib chiqishni buyurdi. Xususan, u dushman flotlariga qarshi qobiliyatlarini oshirish uchun 5 ming va 8 ming tonnalik sig‘imga ega harbiy kemalarga ularning palubaga o‘rnatilgan qurollar o‘rniga ovozdan tez harakatlanadigan raketalar o‘rnatilishi kerakligini ta’kidladi, deb xabar berdi report.az.
Kim Chen In shuningdek, “davlatning yadroviy qurolli kuchlari ko‘p tomonlama foydalanish bosqichiga o‘tganini” va Shimoliy Koreya yaqinda strategik va taktik zarba beruvchi qurollarni ishlab chiqish va joylashtirishda sezilarli amaliy yutuqlarga erishganini ta’kidladi. Uning ta’kidlashicha, bularning barchasi mamlakatning o‘zini o‘zi himoya qilishning muhim qismidir.
