“Ўзбеккино” Миллий агентлиги ташаббуси билан вилоятларга йўл олган таниқли киноижодкорлардан таркиб топган “Кинокарвон” гуруҳи томошабинларга янада қулайлик яратиш мақсадида “Синемобиль” намойишларини бошлади.
Куни кеча Навоий вилоятида болалар ва ўсмирлар учун агентлик буюртмасига биноан суратга олинган режиссёр Эргаш Мўминовнинг “Орзулар қанотида” фильми намойиш этилди.
Намойишдан сўнг, ижодкорлар билан суҳбатлар ташкил этилди. Болалар “Синемобиль” киноплатформаси намойишларидан жуда мамнун бўлишди. Бу каби намойишлар ҳали давом этади.
Эслатиб ўтамиз, олдинда “Ўзбеккино” МА буюртмасига биноан суратга олинган “Ҳайрат”, “Муқимий” фильмларининг “Синемобиль” намойишлари ҳам бўлиб ўтиши режалаштирилган.
“Ўзбеккино” Миллий агентлиги Ахборот хизмати
