Солиқ қўмитасининг катта ҳажмли маълумотлар базаси босқичма-босқич янги серверларга миграция қилиш жараёни давом этмоқда, деб ёзади қўмита ахборот хизмати.
Шу муносабати билан, 2024 йил 7 декабрь соат 00:00дан 10 декабрь соат 06:00га қадар айрим ахборот тизимлари ва электрон солиқ хизматларининг иш фаолияти вақтинчалик чекланади.
Хусусан:
– Электрон ҳисоботлар;
– ЭРИ;
– ЭҲФ* (7-8 декабрь кунлари);
– Нотариал идоралари томонидан фуқаролик ҳолати бўйича маълумот қабул қилиш;
– корхоналарни ихтиёрий ва мажбурий тугатиш;
– маҳсулотлар (товар ва хизматлар) ягона электрон миллий каталоги (тасниф.солиқ.уз);
– фискал маълумотлар оператори билан боғланишлар;
– электрон мурожаатлар ва бошқа хизматларда узилишлар кузатилади.
* ЭҲФ тизими 9-10 декабрь кунлари иш фаолиятида бўлади
Келтирилган ноқулайликлар учун олдиндан узр сўралди.
