Антитциклоннинг кучайиши натижасида атмосфера босими кўтарилиб, ҳаво ҳарорати пасайган, туман ва заррачаларнинг ҳавода тўпланиши эса ифлосланиш хавфини оширган.
24–28 ноябрь кунлари Тошкент шаҳри ва вилоятида ифлосланиш манбаларини бартараф этиш бўйича кенг кўламли рейдлар ўтказилди. Натижалар:
Иссиқхоналар:
- 1 449 та иссиқхона ўрганилди
- 67 таси тўхтатилди
- 403 шахсга баённома расмийлаштирилди
- 19 хўжаликка газга уланиш бўйича шарт берилди
Қурилиш объектлари:
- 53 та ноқонуний қурилиш аниқланган
- 34 таси вақтинча тўхтатилган
- Ифлосланиш бўйича 186 та ҳолат қайд этилиб, 188 шахс жавобгарликка тортилган
- 51 объектга сув пуркагич ўрнатилган
Автотранспорт:
- Юкни очиқ ташиган 837 ҳайдовчи
- Атмосферага зарар етказган 206 ҳайдовчи жаримага тортилган
Қўшимча экологик ишлар:
- 77 кўча, 165 жамоат жойи намлантирилган
- 121 км ариқлар тозаланган
- 126 фаввора ишга туширилган
- 54 ноқонуний қум-шағал қазиш ҳолати аниқланган
Ҳаво сифати кунлар давомида юмшаб борган — PM2.5 кўрсаткичи 24 ноябрдаги 171 мкг/м³ дан 28 ноябрга келиб 97 мкг/м³ гача пасайган.
Комиссия маълум қилишича, совуқ антитциклон туфайли инверсия жараёни сақланиб турибди, бу эса ҳавонинг тез тозаланишига тўсқинлик қилмоқда. Шу боис қисқа муддатли чоралар билан бирга, узоқ муддатли экологик ечимлар устида ҳам тизимли ишлар давом этмоқда.
Рейдлар куну тун кучайтирилган тартибда давом этади.
