Американинг SpaceX компанияси IM-2 миссияси доирасида Ойга Intuitive Machines хусусий компаниясининг Athena қўнувчи қурилмасини жўнатди. Бу ҳақда Space News хабар бермоқда.
Бортида Athena бўлган Falcon 9 ракетаси Флоридадаги космодромдан 27 февралга ўтар кечаси учирилди.
Ускуна Ойнинг жанубий қутбида жойлашган Монс Мутон платоси томон йўл олади. У 6 март куни платога қўнишга уриниши кутилмоқда.
Қайд этилишича, IM-2 NASA учун фойдали юкни ташийди. PRIME-1 ускунаси у ерда мавжуд бўлиши мумкин бўлган сув музи ёки бошқа учувчи моддалар борлигини аниқлаш учун бир метр чуқурликка қадар бурғулашни амалга ошириш имкониятига эга, деб хабар беради korrespondent.net.
