“Маҳалла” хайрия жамоат фонди ҳам тизимда меҳнат қилаётган ходимлар саломатлигини таъминлаш мақсадида ҳафтанинг шанба кунлари спорт мусобақаларини ташкил этиб келмоқда. “Спортни сев, спорт билан яша!” шиори остидаги навбатдаги мусобақа Юнусобод туманида бўлиб ўтди.
— Астробод маҳалласидаги академик лицейнинг спорт залида ташкил этилган мусобақада барча туманлардан жамоалар иштирок этди, — дейди фонд Тошкент шаҳар бўлими раиси А.Далабоев. — Якуний натижаларга кўра, фонднинг Юнусобод туман бўлинмаси ғолибликни қўлга киритди.
Таъкидлаш керак, фонднинг Тошкент шаҳар бўлими ташаббуси билан декабрь ойининг ўзида спортнинг шахмат-шашка, волейбол ва қўл тўпи турлари бўйича мусобақалар ташкил этилди.
“Маҳалла” фонди
матбуот хизмати
