2021 йил 15 январда бўлиб ўтган онлайн учрашувда Миллий палата раиси Ровшан Изамов Dalhousie University университетининг стоматология факультети декани Бенджамин Девис билан музокара олиб борди.
1818 йилда асос солинган Dalhousie University бугун 13та факультетда 180дан зиёд ўқув дастурларига эга, жумладан стоматология факультетида ҳам. Университет илмий-тадқиқот сегментида давлат миқёсида пешқадамлик қилаётган Канада ОТМлариниг U15 гуруҳига киради. Dalhousie Universityнинг умум тан олинган ютуқлари тиббиёт билан, стоматология билан, шунингдек IT-менежменти билан, океанология билан, генли инженерия ва бошқа йўналишлар билан боғланган.
Ҳамкорликдан кўзда тутилган асосий мақсад таълим соҳасидаги ҳамкорлик ва Ўзбекистон стоматологларининг малакасини оширишдан иборат.
Томонлар ушбу йўналишдаги ҳамкорликнинг турли имкониятларини, жумладан талабалар, ординаторлар ва амалиётчи шифокорлар учун телетиббиёт воситасида лекциялар ва мастер-класслар, офлайн ва онлайн форматда таълим конференциялари ташкил этиш масалаларини муҳокама этдилар. Жумладан Ўзбекистонда энг ривожланган тиббиёт олийгоҳларидан бири Тошкент стоматология институти (ТДСИ)га халқаро аккредитацияни жорий этиш, шифокорлар малакасини ошириш бўйича курслар ташкил этиш шартлари борасида сўз юритилди. Таъкидлаш жоизки, 2020 йил сўнгида Испанияда мазкур ОТМнинг филиали очилди.
Томонлар вазиятнинг COVID-19 билан боғлиқ бугунги ҳолатини инобатга олган ҳолда 3-6 ойлик онлайн курсларни ёки сертификат бериш шарти билан стоматология соҳасида ёш мутахассислар учун таълим видеоконференциялари церийалари ишлаб чиқиш ҳақида келишувга эришдилар, деб хабар беради Инновацион соғлиқни сақлаш миллий палатаси матбуот хизмати
