Маълумки, ўтган йилнинг 2 октябрь куни Индонезия чемпионати доирасидаги “Арема” – “Персебая” ўйини фожиа билан якунланган эди. Учрашувда 2:3 ҳисобида ютқазган “Арема” мухлислари майдонга чиқиб, ғалаён кўтаришганди.
Полиция одамларни тарқатиш учун кўздан ёш оқизувчи газ ишлатгани ва стадионда тиқилинч юзага келиши натижасида 174 нафар одам ҳалок бўлганди, 180 нафар киши жароҳатланганди.
Индонезия суди ушбу фожиа бўйича ишни кўриб чиқди ва ўйин ташкилотчисини 1,5 йилга қамоқ жазосига ҳукм қилди.
Шунингдек, стадион хавфсизлик хизмати бошлиғи ҳам бир йил қамоқда ўтирадиган бўлди. Бундан ташқари, бир неча полициячига ҳам жазога тортилди.
