Маълум қилинишича, у Мажбурий ижро бюросининг Қашқадарё вилоятидаги туман бўлимларидан бирида жорий йил май ойидан иш бошлаган фуқарога гўёки ўзининг мансабдор танишлари орқали ишга киритганини важ қилиб, келгусида уни ўзи истаган тумандаги МИБ бўлимига ўтказиб беришини айтган.

Бу «хизмати» эвазига у фуқародан 2500 АҚШ доллари талаб қилган.

Давлат хавфсизлик хизмати ҳамда Иқтисодий жиноятларга қарши курашиш департаменти ходимлари томонидан ўтказилган тезкор тадбирда судья ёрдамчиси талаб қилинган пул маблағини ўз хизмат хонасида олган вақтида ашёвий далиллар билан ушланди.

Ҳозирда унга нисбатан жиноят иши қўзғатилган бўлиб, тергов ҳаракатлари олиб борилмоқда.