Нейротармоқни GPT-3 тил моделида тузиш ва билимлар ўргатиш жараёнида кунига 700 000 литр сув кетди. Бу 5 минг одамдан иборат бир қишлоқ аҳолисининг кундалик истеъмолига тенгдир.
Чат-ботга сувнинг нима алоқаси бор, дейсизми? Гап шундаки, кўп ишлаганидан қизиб кетган ва зўриққан серверни совитиб олиш учун тоза ичимлик суви талаб этилади.
Кунига миллионлаб одам унга савол бериш билан банд экан, сервер бор кучини бериб ишламоқда. У бир кунда сарфлаган сув Teslaнинг 320 та машинасини ишлаб чиқаришга етади. Бинобарин, шу йил февраль ойи ҳисобига кўра, ChatGPTга бир кунда 13 миллионта (сониясига 150 та) одам ташриф буюради.
ChatGPTни ўргатишнинг ўзи 1300 МВт/с қувват талаб қилди. Бу йилига 200 нафар инсоннинг истеъмолидаги миқдордир. Бошқача айтганда - шунча электр энергияси билан Нью-Йоркдан Сан-Францискога 550 марта электромобилда бориб келиш мумкин.
Сунъий интеллект тармоқларининг ресурсларга бўлган талаби йил сайин ўсиб бориши аниқ. Бундан экологияга қандай таъсир ўтказилиши жиддий мушоҳадаларни талаб қилади.
