Тадқиқотчилар терисида кичкина жароҳати бўлган сичқонлар устида ўтказилган тажрибада казеиннинг яра битишига таъсирини ўрганишди. Ҳайвонлар уч гуруҳга бўлинди: биринчи гуруҳ сичқонлар жароҳат олган жойи казеинли бинт билан боғланган; иккинчиси гуруҳда оддий бинтдан фойдаланилган; учинчисида эса жароҳат умуман даволанмаган. Казеинли боғич сут оқсилининг поликапролактонли бирикмасидан иборат эди. Тадқиқотчилар сичқонлардаги ўзгаришларни 3, 7, 10 ва 14 кунда яраларни суратга олиш, шунингдек уларни микроскоп остида текшириш орқали қайд этишди.
Жароҳатланишдан 14 кун ўтгач, казеинли бинтлар ишлатилган сичқонларда бошқа гуруҳдагиларга қараганда жароҳат яхшироқ битиб кетгани маълум бўлди. Бундан ташқари, казеинли бинтлар заҳарли эмаслиги маълум бўлди ва сут оқсили билан даволанган яралар атрофида иммунитет ҳужайраларининг камайиши қайд этилди.
Казеин сут эмизувчилар сутида топилган оқсил бўлиб, унинг кўп қисми сигир сутида бўлиб, у суюқликнинг 80 фоизини ташкил қилади. Бу жуда арзон модда, чунки у ёғсиз сут ишлаб чиқаришнинг қўшимча маҳсулотидир. Охирги тадқиқотлар казеин микробларга, яллиғланишга қарши ва антиоксидант хусусиятларга эга эканини кўрсатди, деб хабар беради lenta.ru.
