Агентлик томонидан ўтказилган ўрганув жараёнида Тошкент вилояти Паркент туманида жойлашган Тепа (Култепа) археология ёдгорлигига тегишли 2 гектар ер 2018 йил 28 сентябрда Паркент тумани собиқ ҳокими Н.Муҳаммедов томонидан амалдаги қонунчилик талабларига зид равишда аукцион савдолари орқали “U.Q.B” МЧЖга хом ғишт ишлаб чиқариш цехи ташкил этиш учун бериб юборилгани аниқланди.
Ушбу археология иншоотини “U.Q.B” МЧЖ раҳбарлари 2020 йилда қонунчилик талабларига зид равишда бошқа тадбиркорлик субъекти – “U.M.P.” МЧЖга сотиб юборган. Ушбу тадбиркорлик субъекти ҳам ўз навбатида бу объектда хом ғишт ишлаб чиқаришни йўлга қўйган.
Натижада Тепа (Култепа) археология ёдгорлигининг кўчмас мулк объектига 1 триллион 587 миллиард 600 миллион сўмлик моддий зарар етказилган.
