DW маълумотларига кўра, хусусан, учта вариант кўриб чиқилмоқда. Улардан биринчиси, тадбир Роттердамдаги Ahoy Arena концерт залида ижтимоий масофа ва бошқа гигиена чораларига риоя этган, шу жумладан COVID-19 учун мунтазам синов ўтказишни йўлга қўйган ҳолда ўтказилади. Aгар чеклов чоралари туфайли иштирокчилардан бири кела олмаса, ижронинг видеоёзуви намойиш этилади.
Иккинчи сценарий бўйича ҳам мусобақа Ahoy Arenaда бўлиб ўтади, лекин иштирокчилар чекловлар туфайли келмайди, уларнинг ижроси онлайн трансляция қилинади. Шу билан бирга, танловнинг баъзи қисмлари, масалан, шоу-дастур саҳнада “жонли” тарзда ўтказилади. Учинчи сценарий танловни тўлиқ онлайн тарзда ўтказишни таклиф қилади.
Ташкилотчилар тадбирнинг ўтказилиши тўғрисида якуний қарор яқин ҳафталарда қабул қилинишини билдирмоқда. Коронавирус пандемияси туфайли “Евровидения-2020” бекор қилинганди.
