Тайван қирғоқ қўриқлаш хизматининг маълум қилишича, Тайван шимолидаги Тамсуи қирғоқларидан олти денгиз мили (11 км) узоқликда шубҳали кема аниқланган. Тайпей шаҳар марказига олиб борувчи Тамсуи дарёсига киргандан сўнг, қайиқ паром терминалида бошқа кемалар билан қуршаб олинган ҳамда Тайванга кириш ва чиқиш қонунларини бузган шахс хибсга олинган.
Соҳил қўриқлаш хизматини бошқарадиган Тайваннинг Океан ишлари бўйича кенгаши раҳбари Куан Би-линг парламентда журналистларга, бу одам аввал Хитой денгиз флоти капитани бўлиб хизмат қилганини айтган.
Тайван мудофаа вазири Веллингтон Ку ҳам парламентда журналистлар билан суҳбатда, қайиқдаги ҳодиса Хитойнинг оролга қарши "кулранг зона" тактикасининг яна бир намунаси бўлиши мумкинлигини айтди.
Тайван сўнгги йилларда Хитойнинг "кулранг зона" уруши деб аталадиган урушдан, масалан, орол устида сузувчи кузатув шарлари каби очиқ жангга мурожаат қилмасдан, тартибсиз тактикалар билан душманни чарчаш учун фойдаланаётганидан шикоят қилган.
– Бу кулранг зона тактикаси ҳар доим мавжуд бўлган. Биз доимо ҳушёр бўлишимиз керак ва қарши чоралар кўриш имкониятини истисно эта олмаймиз, – деди Тайван мудофаа вазири Веллингтон Ку.
Аввалроқ, Март ойида икки тайванлик балиқчи Хитой қирғоқлари ёнида жойлашган Тайван назоратидаги Кинмен ороллари яқинида Хитой сувларига адашиб кириб келишгани бўйича хабарлар эълон қилинганди.
