Бу фикрни шарҳловчи Давид Игнатиус The Washington Post газетасидаги мақоласида билдирган.
Унинг сўзларига кўра, Америка Қўшма Штатлари араб давлатлари билан бу мавзуда иш олиб бориш орқали Исроил можародан тезда чиқиб кетишини таъминлашга ҳаракат қилмоқда. Игнатиуснинг таъкидлашича, Блинкен ўзининг Яқин Шарққа сафари чоғида Саудия Арабистони, Бирлашган Араб Амирликлари, Миср ва Иорданиядан Исроил Фаластин давлати ташкил этилиши заруриятини тан олса, ҳарбий ҳаракатлар тугагандан сўнг Ғазо секторини қайта тиклашга ёрдам беришлари ҳақида кафолат олган. “Аммо Исроил Бош вазири ҳозирча Фаластин давлатини ташкил этиш мажбуриятини олишдан бош тортмоқда. Шу тариқа АҚШ томонидан можарога чек қўйиш бўйича ишлаб чиқилган режа тўхтаб қолди. Блинкен арабларни ўз томонига оғдириб олишга муваффақ бўлди, бироқ Нетаняхуни ишонтира олмади”, дейди у.
Игнатиуснинг таъкидлашича, Америка Қўшма Штатлари ҳали ҳам Яқин Шарқдаги кескинлашувнинг олдини олишга ҳаракат қилмоқда, аммо “бу тобора қийинлашиб бормоқда”. “Исроил [2023 йил] 7 октябрда содир бўлган даҳшатли теракт такрорланишининг олдини олиш учун ҲАМАСнинг ҳал қилувчи мағлубиятини истайди. Бироқ, уч ой ўтган бўлса ҳам [ҳужум содир бўлганидан бери], бу ҳалигача узоқдаги мақсаддир”, деди у. Журналистнинг тахминига кўра, Исроил қўшинларининг Ғазодан олиб чиқилиши январь охири ёки февраль ойи бошида тугаши мумкин, шундан сўнг дастлаб анклавга кирган Исроил қўшинларининг тўртдан бир қисмидан кўпи анклавда қолмайди. Аммо Исроил армиясими мудофаа қўшинлари кетганидан кейин Ғазода “тартибни сақлаш”, Игнатиус ёзганидек, “даҳшатли тушга айланади”, деб хабар беради tass.ru.
