Journal of Epidemiology and Community Health (JECH) журналида чоп этилган илмий мақола олимлар шундай хулоса билдиришган.
Бу борадаги тадқиқотда 60 ёшдан ошган уч мингдан зиёд
киши иштирок этган. Олимлар уларнинг ҳаракатланиши, мустақил овқатлана
олиши, ўзини парваришлай олиши айнан
қанча тишни асраб қола олганига боғлиқлигини текширишди. Натижаларга кўра, 20-30 та тиши сақланиб
қолганлар бу борада мустақил ҳаракатлана олиш давомийлигини узоқроқ вақт сақлаб
қола оларкан.
Жумладан, улар 60 ёшга бориб тишлари деярли тўкилиб
кетганларга нисбатан кундалик юриш-туришга
қийналмай 5 йилдан кўпроқ, жисмоний ҳаракатлар билан боғлиқ муаммоларсиз эса 3
йилдан кўпроқ ҳаёт кечира олишаркан. Тўғри, 70-80 ёшда ҳам нисбатан эркин
ҳаракатлана олиш даржаси сақланиб қолиши мумкин, аммо олдинги даражада бўлмайди
албатта.
Ҳа, протез тишлар табиийлари ўрнини қисман босиши мумкин,
аммо ўз тишлари қанчалик сақланиб қолинса, шунча яхши натижа кўрсатади. Кузатиш
олиб борган мутахасислар сўзларига кўра, оғиз бўшлиғи саломатлиги – бу, фақат
эстетика масаласигина эмас, шу билан бирга кексаликда ҳам мустақил ҳаракатлана олиш даражасини
белгиловчи муҳим омиллардан бири, дея якунлайди Lenta. ru.
