“Бугун эрталаб масофадан бошқариш мосламаси океан тубида Титаннинг дум қисмини топди”.
Могернинг сўзларига кўра, “Титаник”дан 200 метрдан кўпроқ масофада топилган қисмлар батискафнинг ички қисмида ҳалокатли портлаш содир бўлганидан далолат беради.
Аввалроқ АҚШ қирғоқ қўриқлаш хизмати Атлантика океанида топилган қолдиқлар ғойиб бўлган “Титан” сув ости кемасига тегишли эканлигини, улар таҳлили эса бутун экипажнинг ҳалок бўлганидан далолат бераётганини маълум қилганди.
Қидирув операцияси иштирокчилари океан тубининг чуқур экани туфайли батискаф қолдиқларини топиш эҳтимоли жуда кам эканлигини тан олди. Могер марҳумларнинг жасадларини топиш имкониятлари ҳақидаги саволга жавоб бера олмади, бироқ мутахассислар қолдиқлар топилган жойда ишлашни давом эттиришини маълум қилди.
19 июнь куни экипажни “Титаник” вайроналарига етказиши керак бўлган батискаф йўқолгани ҳақидаги хабарлар тарқалган эди. Кейинчалик кемага эгалик қиладиган OceanGate Expedition компанияси батискаф билан алоқа узилганини тасдиқлади, деб хабар беради m24.ru.
АҚШ қирғоқ қўриқлаш хизмати маълумотларига кўра, экипажнинг кислород таъминоти тугаган.
