Вафот этганларнинг барчаси 50 ёшдан юқори бўлиб, уларнинг кўпчилигини 70 ёшли кишилар ташкил этади. Улар орасида кўпгина қисми ўз уйида жон таслим қилган ҳолда топилганлиги таъкидланади. Ундай ҳолларда уларнинг уйларида кондиционернинг ишламаганлиги ёки ўрнатилмаганлиги эътиборни тортган.
Ушбу ҳафта ўтаётган ёзнинг Япония учун энг иссиқ ҳафтаси деб топилди. Душанба куни марказий шаҳарлардан бири Хамаматсуда (Сидзуока префектураси) ҳаво ҳарорати 41,1 даражагача кўтарилган. Худди шундай рекорд бундан икки йил аввал кузатилган экан. Токиода ҳам кундуз пайтлари ҳаво ҳарорати 35-36 даражадан пасаймаган.
Одатда Японияда иссиқ ҳаво июль ойининг ўрталарида, ёмғир мавсуми ўтгандан кейин кузатилган. Лекин бу йил июль ойи ҳаво булутли бўлиб, мамлакат ҳудудида кўплаб дарё тошқинлари ва кўчкилар келтириб чиқарган ёғингарчиликлар тезлиги жиҳатидан рекорд даражада давом этган.
Ўтган йили жазирамадан 70 мингдан кўпи эса жабрланган бўлиб, 126 киши қурбон бўлган экан.
