CES 2024 кўргазмасида Philips Palm Recognition Smart Deadbolt эшик қулфини тақдим этди. Унинг асосий хусусияти кафтдаги томир сканери ўрнатилган.
Бошқа ақлли қулфларда одатда эгасини аниқлаш учун бармоқ излари сканери бўлади, бироқ Philips нинг янги маҳсулотига ҳатто тегиниш ҳам шарт эмас – очиқ кафтингизни қулф сканерига чўзсангиз кифоя.
Philips компаниясининг айтишича, янги сканер деярли хатосиз ишлайди. Нотўғри ҳолатда қулфни очиб юбориш хавфи бармоқ ёки юз сканерларига қараганда анча паст. Янги технологиянинг яна бир афзаллиги шундаки, қўлингиз жароҳат олган ёки ифлос бўлган ҳолатда ҳам қулфни очишингиз мумкин. Бармоқ излари сканерларида эса қулфни очиш учун қўлларингиз доимо тоза ва жароҳат етмаган бўлиши керак.
Маълумотларга кўра, Palm Recognition Smart Deadbolt қулфи иккта режимда ишлайди, ақлли ва классик. Қурилмани илова, «Google Assistant» овозли ёрдамчиси ва Alexa ёрдамида бошқаришингиз мумкин. Мисол учун, овозли ёрдамчига "эшикни очишни" ёки қулфлаб қўйишни айтишингиз мумкин.
